«Ішкиімнің ішінен ұзын шаш тауып» алудың сырын айтқан уағызшы жұрттың сынына қалды (ВИДЕО)

Әлеуметтік желіде атынан жаңылатын уағызшылардың бірі енді ішкиімнің ішінен табылатын бөгде заттарға қатысты «керемет ғылыми зерттеуін» айтты деп жазады Democrat.kz.

«Ішкиім, киімдердің арасынан табылатын ұзын шаш сиқырдан болуы мүмкін бе?» деген сауалға уағызшы:

«Сиқырдан емес, жалпы жындардың келуі тек сиқырмен келмеуі мүмкін. Ғалымдарымыздың кітаптарында айтылғандай, бұл (ішкиім, киімдердегі ұзын шаш — ред.) ғашық жындар. Соның белгісі. Тек ішкиімнің емес, жастықтың астында, көрпе-төсектің арасында осындай зат табылып жатады. Бұл ғашық жындардың келуі. Ғашық жындар — адам күнә жасаса, әуретін ашып жүрсе, қоғамдық орындарда, қоғамдық моншаларға «бисмиллясыз» кіріп кетсе болады»,- дейді.

Уағызшының бұл пікіріне қатысты өз заттарынан ұзын шаш тауып алғандар таңғалып, басын шайқап жатса, енді кей кісілер «дүмшелерге айтар сөз жоқ» деген сыңайда пікір жазуда.

Фото көрнекілік үшін.