«…Қарақат құспайтын болды» деген әнші Қыдырәлі басынан өткен тылсым жағдайды айтып берді

Әлеуметтік желі парақшасында өткен күндердің естелігін жазған әнші Қыдырәлі Болманов әйелі туралы бір қызықпен бөлісті деп жазады Democrat.kz.

«Осыдан 16-жыл бұрын, Имашқа жүкті болған кезінде Қарақат қатты қиналды. “Токсикоз”, тамақ ішпейді, , су ішсе, құсып тастайды.

Профессордың қадағалауында болса да, Құдай қосқан жарымның айлап “системамен” қоректеніп жатқаны, жаныма қатты батты.

Құрсақтағы сәби не болып жатыр ?
Екеуі үшін отқа да,суға да түсуге дайынмын.

Іш қазандай қайнайды,күресерге дәрмен жоқ болып, ойым онға бөлініп, жан қиналғанда Аллаға жалбарынып келе жатыр едім, тел шыр ете қалды.
Асс.кум !-
Уағалейкумассалям !
Қыдырәлі бауырымсың ба ?
Иә,бұл кім екен ?
Орталық мешіттен едім айналайын.
Жылда Мұхаммед пайғамбарымыз ( С. А. С.) 6-сәуір орталық алаңда мәуліт өткізуші едік.

Биыл жөндеу жұмыстары жүріп жатыр екен. Республика сарайында өзіңнің концертің тұр.. 6-сәуірге босата аласың ба,-десін.

Бір минут беріңіз, бәрін шешіп, дәл қазір хабарласамын. Басшысына тел.шалып, Сәуірдің 6-күнгі концертті 5-сәуірге ауыстырыңыз дедім де,имамға, босаттым,-деп едім,ағамыз алғысын жаудырып,өте риза болып қалды.

“Расулалламыздың аты аталғанда, ешкім жоқ,-дей алмаса керек, кім болса да босатар еді ғой,- деп жатырмын…

Айналайын, сыртыңнан тек жақсы сөздер естуші едім,-
деп, ақ тілектерін жаудырды.

Содан 1-2 сағаттың өткенде Сауд Аравиясынан Елшіміз Қайрат Лама-шариф хабарласты.

Саудияда ешқашан концерт болмаған.

Ханшайының ұйымдастыруымен қайырымдылық концерті болайын деп, әр Мемлекеттен өнер адамдарын шақырып жатыр едік. Елімізден Қарақат екеуіңізді таңдап алдық.Келе аласыздар ма,-десін..

Ой құдіреті күшті Алла,-бірден Қайреке, қасиетті Меккеге бара аламыз ба,-деппін жұлып алғандай.

Әрине, өзім ұйымдастырып беремін деп жатыр Қайрекең.
Онда барамыз.

Уақытын келісіп алдық та, шауып отырып, Қарақатқа келдім. Осылай да осылай,-Меккеге барып, Алладан тілейміз ! Дәрігерлер үзілді-кесілді қарсы болса да, Аллаға жалбарынамын, кешіріңіз !

Рияд-қаласына ұшып келдік, кешке концертке қатыстық.
Таң ата намаз оқып алып, қасиетті Меккеге тарттық.

Келе сала, жұрт жиналып жатқан намазға жүгіріп келіп, тұра-тұра қалдық. Қасиетті Қағбаның жанында, -қасиетті жұмаға,-
дөп келіп тұр екенбіз !
Сол күннен бастап, Қарақат тамақ іше бастады. Құспайтын болды!» деп жазды әнші.

Фото көрнекілік үшін.