Айбар Олжаев: «Ұлттық құрылтайда тек қана мәдени, идеологиялық шешімдер ғана емес, экономикалық мәселе де сөз болады»
Ұлттық құрылтайдың экономикалық блогы: ел тынысын біріктірген үш бағыт
Ұлттық құрылтайда тек қана мәдени, идеологиялық шешімдер ғана емес, экономикалық мәселе де сөз болады. 2024 жылы жалпы инвестиция көлемі 40 триллион теңгеден асатын, 200-ден астам жобаны іске асыруды көздейтін 2029 жылға дейінгі Ұлттық инфрақұрылым жоспары қабылданды. Олар үш бағыт бойынша қарқынды іске асуда.
Энергетика
2024 жылы республикалық бюджеттен 14 жобаға қаражат бөлінді. Оның 6-ы жылумен, 8-і электрмен жабдықтауға қатысты. Теңгедегі қайтарымды инвестициялардың жылдық лимиті ұлғайтылды. Қазіргі уақытта Инвестициялық келісімдер бойынша жалпы қуаты 2,48 ГВт болатын 19 келісім жұмыс істеп тұр. Биыл энергетика саласында қуаттылығы 600 мегаватттан асатын ірі жобаларды жүзеге асыру жоспарланып отыр.
Транспорт
2024 жылы 12 мың шақырым жолды жөндеу және салу жұмыстары басталды. Оның 7 мыңнан астамы аяқталды. 2024 жылы іске қосылған барлық жолдардың жалпы ұзындығы 1,6 мың км құрайды. Бұл өткен жылмен салыстырғанда екі есе көп. Негізгі халықаралық автожол дәліздері іске қосылды. Олар: «Талдықорған – Өскемен», «Қарағанды – Алматы», «Ақтөбе – Атырау – Астрахань». 2024 жылдың қазан айында Бұқтырма су қоймасы арқылы өтетін көпірдің құрылысы аяқталды. Ол ұзындығы 1316 м құрайтын елдегі ең ұзын көпір. Елде 8 әуежай күрделі және ағымдағы жөндеуден өтті. Алматы, Шымкент және Қызылорда әуежайларында жаңа жолаушылар терминалдары пайдалануға берілді. Алматыдағы терминалдың өткізу қабілеті 6 есеге (жылына 2,5 млн-нан 14 миллион жолаушыға), Шымкентте 7,5 есеге, Қызылордада 7 есеге (жылына 300 мыңнан 2 миллион жолаушыға) ұлғайтылды. Шымкент, Павлодар, Түркістан және Қызылорда қалаларының теміржол вокзалдарын қайта құру аяқталды. 1,4 мың шақырым теміржол жөнделді. 2025 жылы ұзындығы 836 шақырым болатын Достық-Мойынты теміржол учаскесінің екінші жолының құрылысы аяқталады. Маршруттың өткізу қабілеті бес есе артады, ал контейнерлік пойыздардың жылдамдығы айтарлықтай артады. Бұл ауқымды жоба алғаш рет отандық дизайнерлердің, инженерлердің, құрылысшылардың күшімен жүзеге асты.
Газ
2024 жылға 200 газбен жабдықтау жобасы (4129 км) жоспарланған. 2024 жылдың 11 айының қорытындысы бойынша шамамен 3583 шақырым газ құбыры салынды. Қалған 546 шақырымды ағымдағы жылдың желтоқсан айының соңына дейін салу жоспарланған. 11 айдың қорытындысы бойынша биылғы жылдың соңына дейін 106 мың адам газға қол жеткізді. Қосымша 194 мың адам газға қол жеткізеді.
