KITF 2023-те әлемді ашамыз: Алматыда туризмнің ірі көрмесі өз жұмысын бастады
![](https://democrat.kz/wp-content/uploads/2023/04/B1DAA92A-9C9F-47F9-8F30-09E6EB7B6756-905x500.jpeg)
19 сәуірде «Атакент» КҚКО екі павильонында «Туризм және саяхат» 21-ші Қазақстандық халықаралық көрмесі — KITF 2023 өз жұмысын бастады. Дәстүр бойынша экспозиция 21 сәуірге дейін үш күн бойы жұмыс істейді.
Биыл KITF туристік нарыққа қатысушылар үшін басты демонстрациялық алаңға ғана емес, сонымен қатар жетекшілік ететін мемлекеттік ведомстволар, қауымдастықтар мен туристік қоғамдастық өкілдері үшін тиімді диалог көпіріне айналды. Сондай-ақ, биылғы жылдың флагманы көрме жұмысы аясында сала мамандары үшін өтетін үш күндік іскерлік бағдарлама болды.
Индустрияның өзекті мәселелерін талқылау және одан әрі даму векторларын анықтау үшін «Туризмдегі жаңа әсерлер уақыты» атты баспасөз конференциясы өтті. Спикерлер баяндама жасап қана қоймай, қатысып отырған БАҚ сұрақтарына да жауап берді.
Өз сөзінде «Kazakh Tourism «ҰК» АҚ Басқарма төрағасы Аманбаев Талғат: «бүгінгі көрме 2001 жылдан бері өткізіліп келеді және содан бері бүкіл Орталық Азия өңірінің туристік саласының мамандары үшін басты оқиғалардың біріне айналды. KITF алаңы еліміз бен әлемдік туристік қоғамдастық арасындағы іскерлік байланыстарды жолға қоюға елеулі үлес қосады». Көрменің маңыздылығынан басқа, Талғат Жолдымұратұлы 2023 жылға арналған жоспарлар мен міндеттер туралы айтты. «Біз осы жылға өзімізге жоғары міндеттер қойып отырмыз: 6 млн. келуші және 1,4 млн. шетелдік туристер, сондай-ақ 9 млн.ішкі туристерді тарту. Биыл біз туристік саланы дамытудың жаңартылған тұжырымдамасын қабылдадық, оған сәйкес 2029 жылға дейін шетелдік туристер санын 4 млн. — ға, ал ішкі туристерді 11 млн. — ға дейін жеткізу жоспарланып отыр».
Алматы қаласы Кәсіпкерлер палатасының төрағасы Әуез Таймбетов Алматы экономикасы үшін туризм секторының маңыздылығын атап өтті:
«Біз көрмені өткізудің басты мақсаты — туризм саласындағы озық тәжірибе мен біліммен алмасу деп санаймыз. Бұл көрме компаниялар мен ұйымдарға өз өнімдері мен қызметтерін ілгерілетуге, бренд туралы хабардарлықты арттыруға, тәжірибе алмасуға, кәсіби байланыстар орнатуға, саладағы жаңа үрдістер мен инновацияларды зерделеуге, жаңа клиенттерді тартуға және ынтымақтастық туралы шарттар жасасуға мүмкіндік береді. Көрмеде алынған нәтижелер барлық қатысушыларға және, ең алдымен, қаламыздың экономикасына пайдалы болады».
Дәстүр бойынша Көрме қонақтары Қырғызстан, Малайзия, Тайланд, Түркия, Хорватия сияқты қатысушы елдердің елшіліктері мен бас консулдықтарының өкілдері болды, олар да экспозиция бойынша таныстыру турына қатысты.
Стендтердің ауқымы мен сұлулығы тіпті кәсіби сала мамандарын таң қалдырды, KITF 2023-ке әлемнің 22 елінен 258 компания қатысты (Әзірбайжан, Вьетнам, Грузия, Греция, Египет, Иордания, Италия, Үндістан, Қазақстан, Қытай, Қырғызстан, Малайзия, Мальдив аралдары, БАӘ, Ресей, Словения, Тайланд, Түркия, Хорватия, Черногория, Оңтүстік Корея, Жапония). 13 ел алаңда өздерінің ұлттық стендтерін ұсынды: Әзірбайжан, Вьетнам, Грузия, Иордания, Италия, Қазақстан, Қырғызстан, Малайзия, Мальдив аралдары, Ресей Федерациясының Новгород облысы, Словения, Хорватия және Оңтүстік Кореяның Кенгидо провинциясы.
Қатысушылар құрамы Қазақстанның туристік нарығына қызығушылығын, халықаралық инвестицияларды тарту және ішкі өнімдерді танымал ету үшін еліміздің тартымдылығын тағы да көрсетті, экспоненттердің жалпы санының 74% халықаралық қатысушылар.
Халықаралық көрмеге қатысушылар өз стендтерінде кең интерактивті бағдарлама дайындап, келушілерге әр қатысушының ұлттық дәмін көрсететін түрлі іс-шараларды ұсынды: шай рәсімдері, шеберлік сыныптары, ойын-сауық музыкалық нөмірлері, бағалы сыйлықтар ұтыс ойындары. Алғаш рет келушілерге Италия мен Мальдив аралдарының ұлттық стендтері таныстырылды.
Көрменің алғашқы күні Travel Success Academy — KITF Travel Forum-мен бірлесіп пленарлық отырыс, қатысушы компаниялардың тұсаукесерлері, туристік агенттердің жұмысы бойынша public-talk, «сапа белгісі» бағдарламасының тұсаукесері өтті. Пленарлық отырыс Қазақстандағы болашақ көшпелі туризмді талқылауға арналды. Спикерлер қатарында «Туристік Қамқор» қорының және KOMPAS, Selfie Travel, AnexTour Kazakhstan, FUN&SUN, TEZ TOUR ірі туроператорларының өкілдері болды. «Саяхат саласындағы үрдістер бойынша диалог алаңы» сессиясына отандық және шетелдік авиатасымалдаушылардың, Алматы, Астана және Көкшетау әуежайларының өкілдері қатысты.
Естеріңізге сала кетейік, KITF көрмесін ұйымдастырушы қазақстандық Iteca көрме компаниясы және оның халықаралық серіктесі – ICA Events компаниялар тобы.
KITF 2023 көрмесінің ресми серіктесі-KOMPAS компаниясы. Ал, TRAVEL SUCCESS ACADEMY іскерлік бағдарламасының серіктесі.
Сондай-ақ, шараға ресми қолдау көрсеткен: Алматы қаласының әкімдігі, «Kazakh Tourism» ұлттық компаниясы » АҚ, «Қазақстан туристік қауымдастығы» ЗТБ, «Атамекен» Ұлттық Кәсіпкерлер палатасы, «Туристік Қамқор»корпоративтік қоры.
Көрме тағы екі күнге созылады, іс-шара сайтында алдын ала тіркелу бойынша барлық туристік қауымдастықты күтеміз!