Көкшетауда да төтенше жағдай жарияланды
![](https://democrat.kz/wp-content/uploads/2024/03/WhatsApp-Image-2024-03-27-at-10.36.16-1-e1711519363551-905x613.jpeg)
Көкшетауда су тасқынына байланысты жергілікті төтенше жағдай жарияланды. Бұл туралы Stan.kz ақпарат агенттігі хабарлайды.
Жағдайды тұрақтандыру үшін Көкшетауда төтенше жағдай жариялау туралы шешім қабылданды.
“Төтенше жағдай аясында барлық шығын бағаланып, өтемақы мәселесі комиссиямен шешіледі. Салдарын жою бойынша штаб құрылып, су тасқыны аймағында тұратын тұрғындарды эвакуациялау жүргізіліп жатыр», – деп хабарлады Көкшетау әкімдігінің баспасөз қызметі.
Барлық зардап шеккендерге қажетті көмек көрсетілетіні атап өтілді.
Таңертең Қылшықты өзеніндегі су деңгейі 1,9 метрге көтеріліп, арнасынан асып, облыс орталығының вокзал аумақтарын су басты. Төтенше жағдайлар қызметі тұрғындарды қайықпен эвакуациялап, уақытша орталықтарға орналастыруға мәжбүр болды.
Салдарынан 16 тұрғын үй мен 29 аула аумағын, көпқабатты тұрғын үйлердің 12 аумағын су басқан, теміржол ауруханасының жертөлесі мен балабақшаның бірінші қабатын су басқан.
Бұған дейін Ақтөбеде, Оралда және Қостанай облысында су тасқынына байланысты төтенше жағдай жарияланды.
Фото интернеттен алынды.