1380 теңгелік той: Сәкеннің тойы неге тегін көрсетілмейтіні белгілі болды
Танымал продюсер Жан Мұқан Сәкен Майғазиевтің ұлының тойы неге ақылы өтетіні туралы түсіндіріпті деп жазады Democrat.kz.
Кешелі бері әлеуметтік желіде Сәкен Майғазиевтің ұлының тойына онлайн қатысу үшін 1380 теңге төлеу керек деген ақпарат талқылануда.
Осыған байланысты:
«Неге тегін емес?» — себебі бұл той емес, сериал да емес. Бұл — оқиға.
Достар, соңғы күндері бізге келіп жатқан пікірлерге қарап отырып, бір нәрсені айтқым келеді.
— “Сакен Майғазиевтің ұлының тойын неге эфирге шығарасыңдар?”
— “Сатпасаңдар қайтеді?”
— “Өнер адамы — халыққа тегін істесін!”
Ашық айтайын. Бұл — тойдың өзі ғана емес, бұл — ұлттық мәдениеттің, отбасылық құндылықтың, өнер адамының өміріндегі тарихи сәт.
Бұл оқиғаны әдемі, әсерлі етіп көрсету үшін:
— кәсіби режиссура,
— сапалы камералар,
— жарық, дыбыс, тікелей эфир платформасы,
— ондаған маман күн-түн демей еңбек етіп жатыр.
Және бәрі — тек бір мақсатпен:
Тарихта қалатын той жасау үшін.
1380 теңге — бұл баға емес. Бұл — символ.
Бұл табыс емес, бұл — шығындарды жабу жолы. Бұл — жаңа қадам, жаңа тәжірибе.
Әлемде бұл қалыпты тәжірибе.
Жаңа жылдағы Victoria’s Secret шоуы, Британия ханзадаларының тойлары, Netflix трансляциялары — бәрі де pay-per-view.
Неге біз — өзіміздің Сакен ағамыздың тойын да дәл сондай құрметпен, кәсіби түрде көрсетпеске?
Енді ресми түрде журналистер мен қоғам назарына:
Бұл эфирдің мақсаты — пайда табу емес.
Мақсат — ұлттық мәдениетті әдемі түрде құжаттау.
Эфирдің құны — тек техникалық шығындарды жабуға жұмсалады.
Біз ешкімді мәжбүрлеп жатқан жоқпыз.
Көргісі келетін адамға — ашық есік.
Түсінбеген адамға — құрмет.
Ал біз өз жұмысымызды мақтанышпен әрі жауапкершілікпен атқара береміз.
Бұл — той емес, тарих” деп жазды Жан Мұқан.
Фото интернеттен.
