Димаш Құдайберген: «Біз сіздермен біргеміз»
Танымал халық әртісі Димаш Құдайберген Ақтау маңында құлаған ұшақ апатына қатысты пікір білдірді. Бұл туралы Stan.kz ақпарат агенттігі хабарлайды.
Өнер иесі көршілес елге көңіл айтып, сабырға шақырды.
“ Ақтау маңында бауырлас Әзірбайжан мемлекетінің ұшағында қайғылы жағдай болды. Әзірбайжандық достарымыздың басына келген қайғылы оқиғаға көңіл айтамыз. Қаза болғандардың отбасылары мен жақындарына қайғыра көңіл айтамын. Бұл орны толмас қаза. Біз сіздермен біргеміз. Зардап шеккендердің тезірек сауығып кетуін тілейміз. Құтқарушыларға, дәрігерлерге және осы қиын жағдайда қолдарынан келген қамқорлығын жасап жатқандарға мың алғыс», – деп жазды әнші.
