Титтей баланы 1,6 жасар сәби тістелеп, шайнап тастаған
Әлеуметтік желідегі парақшасында журналист Гүлмира Әбіқай Қызылорда облысындағы сұмдық жағдай туралы жазба дариялады деп хабарлайды Democrat.kz.
“Мынау не сұмдық?! ҚЗО, Шиелі ауданындағы жеке бақшада 2 жасқа толмаған қызды 1,6 жасар сәби тістелеп тастаған. Тістеді деген жәй ғана, бөпенің денесінде сау тамтық жоқ, 25 жерден ет-терісімен қыршып алған.
Осы күйге жеткенше “Раяна” бақшасының тәрбиешілері қайда қараған?
“Камераны көрсетпей отыр, бақшадан ешкім скорый шақырмаған. Спокойно баланы ата-анасына табыстап, бетін тістеп алыпты деп арқасындағы тіс ізі жайлы айтпады. Қолды-аяққа тұрмай шырылдаған баланың тістелмеген жері жоқ екенін үйде денесін көргенде бір-ақ байқадым” деп жазады анасы. Тістелген қыздың бақшаға барғанына небәрі 2-ші күн болған екен.
Денесі ауырғаннан байыз таппай шырқыраған сәби шошып қалған, 2 күн ұйқысыз өткізіпті. Сәбиге ем болсын, ал жауапсыз жеке бақша қызметкерлері заңды жазасын алуы тиіс!
Шиелі аудандық білім бөлімі: біз жауапты емеспіз депті арыз жазған аудандық полиция бармақ басты, көз қысты болып кете ме деп алаңдайды анасы.
Жапа шеккен отбасында 4 бала бар, әлеуметтік жағдайы мәз емес” деп жазды Гүлмира Әбіқай.
Фото көрнекілік үшін интернеттен.
