Жемқорлықты «ұялту» арқылы жоймақ
Мәжілісте Сыбайлас жемқорлыққа қарсы іс-қимыл агенттігі әзірлеген заң жобаларын қарау басталды.
Мысалы, Антикор пара алушылардың аттарын жариялауды ұсынады. Сыбайлас жемқорлардың жария тізімін енгізу қоғамда сыбайлас жемқорлыққа қарсы наразылық тудырып, жолын кесуі мүмкін, деп есептейді ведомствода.
«Сыбайлас жемқорлық қылмыс жасау туралы ақпарат жария болады, ал сыбайлас жемқорлық қылмыс жасау фактісі ұятты әрекет екені әшкере болады. Пара беру туралы уәдені немесе ұсынысты қылмыстық жауапкершілікке тарту қоғамда тиісті мәдениетті қалыптастырады. Тіпті пара алу туралы әңгімелер де қолайсыз болады.
Бұл парақорлықты мемлекетке зиян келтіргенге дейін тоқтатуға мүмкіндік береді», — деп есептейді ҚР Сыбайлас жемқорлыққа қарсы іс-қимыл агенттігі.
Сондай-ақ, кәсіпкерлік қызметке заңсыз араласқаны үшін шенеуніктердің әкімшілік жауапкершілігін күшейту бойынша түзетулер де қарастырылуда.
Тұрмыстық сыбайлас жемқорлықты жою үшін бопсалау арқылы заңсыз сыйақы алу фактілерін ашудың тиімділігін арттыру бойынша түзетулер көзделген. Бұл банктердің, жоғары оқу орындарының, ауруханалардың және басқа да мемлекеттік және мемлекеттік емес ұйымдардың қызметкерлеріне қатысты.
«Қылмыстық кодекс заңсыз ақшалай сыйлық бергені үшін деген жаңа баппен толықтырылады. Парақорлыққа ұқсас, бұл тек алушыларды ғана емес, оларды берушілерді де тартуға мүмкіндік береді», — деп толықтырды агенттік.
Сондай-ақ, мәжілісмендер де жемқорлықпен күресті күшейтуге бағытталған түзетулер енгізуді ұсынды.
Фото ашық дереккөзден алынды.
