Қай футбол командамыз бірінші лигада ойнайды?

Футболдан 2024 жылғы маусымда Қазақстан Бірінші лигасына қатысатын командалардың алдын ала тізімі белгілі болды деп хабарлайды ҚазАқпарат. 

Биыл Бірінші лигада «Ақжайық» (Орал), «Тараз»,«Каспий» (Ақтау),«Қыран» (Түркістан облысы), «Tүркістан», «Қайрат-Жастар» (Алматы), «Хан Тәңірі» (Алматы), «Арыс» (Түркістан облысы), «Ақсу» (Павлодар), «Ұлытау» (Жезқазған), «Жетісай» (Жетісай), «SD Family» (Астана), «Қайсар-жас» (Қызылорда), «Оқжетпес» (Көкшетау), «Екібастұз» (Павлодар облысы), «Іле-Сәулет» (Алматы) командалары сынға түседі.

Өткен жылы Қазақстан Премьер-лигасынан «Каспий», «Ақсу», «Оқжетпес» командалары шығып қалса, олардың орнын «Елімай», «Тұран», «Жеңіс» командалары басты.

Еске сала кетейік, бұдан бұрын Ринат Алюетов «Тұран» командасының бас бапкері болды.