Мектеп басшысы оқушылардан ақша алып жүрген
![](https://democrat.kz/wp-content/uploads/2024/07/11968212_104_0_1881_1333_1920x0_80_0_0_b315f985c49ca0cbe71f395e28896a64-905x613.jpg)
Маңғыстау облысында ұстаздардан ай сайын ақша жинап жүрген мектеп басшылығына қатысты қылмыстық іс қозғалды, — деп хабарлайды Dalanews.kz.
Мұнайлы ауданының прокуратурасы «№3 арнайы мектеп» КММ тексеру нәтижелері бойынша мекеме басшылығы тарапынан бірқатар заң бұзушылықтарды анықтады.
Атап айтқанда, мектеп басшылығы ай сайын «Kaspi bank» және «Halyk bank» мобильдік қосымшалары арқылы қарамағындағы қызметкерлерден ақша қаражатын заңсыз жинауды жүзеге асырған.
Бұдан басқа, формальды бұйрықтар шығару және жеке тұлғаларға артық сыйлықақылар есептеу негізінде ақша қаражатын заңсыз аудару фактілері анықталды.
Сондай-ақ, мектеп директоры өз қарамағындағылардан өзіне салынған әкімшілік айыппұлдарды төлеуге мәжбүрлеген.
Аталған арнайы мектептің лауазымды тұлғаларына қатысты лауазымдық өкілеттіктерді теріс пайдалану фактісі бойынша ҚК 361-бабы бойынша сотқа дейінгі тергеп-тексеру басталды.
Фото көрнекілік үшін интернеттен алынды.