Футболшы Бауыржан Исламханның отбасы жол апатына ұшырады
Танымал футболшы Бауыржан Исламханның жанұясы жол апатына ұшырап, аман қалды, — деп хабарлайды Massaget.kz тілшісі.
Бұл туралы футболшының жары әлеуметтік желіде бөлісті.
«16.01.2025. Өмірге деген көзқарасымды өзгерткен оқиғадан кейін міне бір ай. Бөліссем бе екен, бөліспесем бе екен деп ұзақ ойландым. Бәрі мені қайда жоғалып кетті деп сұрап жатыр. Көбіне демалуға бір жаққа кеткенде немесе өмірімде бәрі ғажап сәттерге толғанда осылай желіге ештеңе жүктемей кететінмін. Бірақ бұл жолы емес», — деп жазды футболшының жары.
