Мопедтің мәселесі мәжілісте қаралып, сенатқа жолданды

Бүгін мәжілісте мопед жүргізушілеріне көлігін тіркеп, А1 санатындағы жүргізуші куәлігін алуды міндеттейтін заң жобасы мақұлданып, сенатқа жолданды деп хабарлайды Democrat.kz. ақпараттық порталы Nur.kz.-ке сілтеме жасап.

Заң күшінен енгеннен кейін мопед механикалық көлік құралына жатқызылып, тіркеуге алынады. Ал жүргізушілері мемлекеттік баж салығын төлейді.

Мәжілісте заң жобасын таныстырған депутат Екатерина Смышляева заңға қол қойылғаннан кейін мопед жүргізушілері де жауапкершілікке тартылатынын айтты. Оның сөзінше, жүргізуші куәлігінен айырылып қалған жүргізушілер мопедті тізгіндей беретін еді.

Енді олар бұлай жасай алмайды. «Заң күшіне енгеннен кейін мопед жүргізушілері бұрынғыдай жаяу жүргінші ретінде емес, көлік жүргізушісі ретінде қарастырылатын болады. Ішімдік ішкен жағдайда рөлге отыруға болмайды.

Кейбір азаматтар ішімдік ішсе, мопедтің тізгініне отырады. Бұл дұрыс емес, өйткені ол да жол қозғалысына қатысып отыр. Ол да масаймаған күйде ғана жол қозғалысына қатыса алуы керек.

Осылай болғаны бәрі үшін әділетті болады деп ойлаймын»,- деді ол. Сондай-ақ журналистер мопед тізгіндегендер төлейтін салық қайда жұмсалатынын сұрады. Депутаттың айтуынша, бұл аса ірі көлемдегі қаржы емес.

Фото көрнекілік үшін интернеттен алынды.