Трамптың үндеуі Путиннің зәре-құтын қашыруы мүмкін бе?
Украина мәселесі шешілмесе, АҚШ Ресейдің бүкіл тауарына санкция салады, деп хабарлайды Orda.kz.
Бұл туралы Трамп Путинге жасаған алғашқы үндеуінде мәлімдеді. Ол Truth Social әлеуметтік желісінде жазба жариялады.
«Егер біз Украина мәселесі бойынша жақынарада келісімге келмесек, Ресейдің Америкаға экспорттайтын бүкіл тауарына жоғары салықтар, тарифтер және санкциялар енгіземіз. Бұл салықтар, тарифтер және санкциялар Ресейдің басқа елдерге сататын тауарларына да қатысты болады», — деді АҚШ президенті.
Трамп соғысты тоқтату арқылы Путинге үлкен жақсылық жасағалы отырғанын айтады. Өйткені онсызда Ресейдің экономикасы күйрегелі тұр. Соғыс жалғаса берсе, жағдай қиын, адам шығыны да көп болатынын жеткізді.
«Біз Ресейдің 60 000 000-ға жуық өмірін жоғалтып, Екінші дүниежүзілік соғыста жеңіске жетуге көмектескенін ешқашан ұмытпауымыз керек. Осының бәрін ескере отырып, мен экономикасы құлдырап бара жатқан Ресейге және президент Путинге өте үлкен жақсылық жасаймын», – деп жазды Трамп.
