Өгей ұлын ыдыс-аяқ жумағаны үшін сабаған

06 марта 2025

472

Өгей ұлын ыдыс-аяқ жумағаны үшін сабаған

Күні кеше Павлодар қаласында өгей әкесі ыдыс жуғысы келмеген ұлын сабағаны туралы ақпарат тараған еді. Бүгін аймақтағы бала құқығын қорғау жөніндегі уәкіл Сәуле Шакенева баланың үйіне барып, мән-жайыды анықтаған. Уәкілдің айтуынша, оқиға 4 наурыз күні болған. Анасы жоқ кезде өгей әкесі балаға ыдыс жу деген, бала бас тартқанда, оны ұрған. Анасы бұл адаммен бес жылдан бері өмір сүреді екен. Осы жылдар аралығында өгей әкесі балаға қол көтермеген, 4 наурыз күні бірінші рет ұрған екен.

«Әйелдің үш баласы бар. Үшеуі де өз атына жазылған. Өзі жетімдер үйінен шыққан келіншек екен. 2009 жылдан бері үй алу үшін кезекте тұр. Қазіргі кезегі – 116. 2013, 2016 және 2022 жылы туған балаларымен бірге 70 мың теңгеге бір бөлмелі пәтер жалдап тұрады. Коммуналдық шығындары мен несиесі бар. Өзі жұмыс істейді, жалақысы 106 мың теңге. Арақ ішпейді, балаларының ұстаздары мен көршілері әйелді жақсы адам деп сипаттаған», - деп жазды Шакенева.

Ертең балаға сот-медициналық сараптама жасалады. Ал, өгей әкесіне қатысты қылмыстық іс қозғалып, оған бұл отбасыға 30 күн бойы жоламау туралы қағаз берілген.