«Қызды түнде ұзатпаған, келінді күндіз түсірген» деген этнограф қазіргі той дәстүрін сынады
Ғалымның айтуынша, халқымыз ешқашан қуанышын түнде тойламаған, деп хабарлайды Todayinfo.
«Қызды күндіз ұзатқан. Мұның астарында «қызым әрқашан күндей жарқырап жүрсін» деген мән жатыр. Қазақ түнде қыз бермек түгілі мал бермеген. Келінді міндетті түрде күндіз түсірген. Егер түн болып қалса, келінді ауылдың шетінде аялдатқан. Аттан түсіріп, демалдырып, таңның атуын күткен. Қазір келінді түнде түсіреміз, беташарды түнде жасаймыз. Ол қазақтың ғұрпында болмаған. Қазір осыған мүлде мән бермей жүрміз», — деді этнограф Тәттігүл Қаратаева Qalamtarih арнасына берген сұхбатында.
