Мәсімовті жұртқа неге көрсетпейді?
![](https://democrat.kz/wp-content/uploads/2024/03/1766948167_0_0_2924_1645_1920x0_80_0_0_47825efc5193b98bea39ec870bf0b4af-905x613.jpg)
Ішкі істер министрі Ержан Сәденов Ұлттық қауіпсіздік комитетінің бұрынғы төрағасы Кәрім Мәсімов қазір қайда екенін айтты, — деп хабарлайды Democrat.kz ақпараттық порталы Dalanews.kz.-ке сілтеме жасап.
БАҚ өкілдері Мәжілісте министрге «Мәсімов қайда жазасын өтеп жатыр? Бір іс-шарада жүрген сурет бар деген ақпарат тарады. Бұл ақпарат қаншалық рас? Неліктен жазасын өтеп жатқаны туралы бірде-бір сурет, видео жоқ?» деген сұрақ қойды.
«Барлық сотталған адамды көрсете алмаймыз. Ол сотталған. Түзету мекемесінде жазасын өтеп жатыр», — деп жауап берді министр алғашында.
Артынша журналистер ведомство басшысынан колонияға кіріп, Мәсімовтен сұхбат алуға қаншалық мүмкіндік барын сұрады.
«Ашық көрсетсеңіздер. Неге көрсетпейсіздер жасырып?» — деді БАҚ өкілі.
«Қалай сұхбат? Оны неге көрсетуіміз керек? Қалай жасырып? Колонияға кіретін рәсімі бар. Дұрыс қой? Адам құқығына қатысты бюро бар», — деді министр.
Фото ашық дереккөзден алынды.