«Мынау не сұмдық, адамдар?» деген әнші Жазира Байырбекова ренішін білдірді

Отандық шоу-бизнес жұлдызы Жазира Байырбекова желіде өзі және отбасы туралы жалған ақпарат таратып жатқандарға шйүлікті. Өнер иесі халыққа үндеу жасап, шындыққа жанаспайтын жаңалықтарды жоққа шығарды, деп жазады KAZ.NUR.KZ.

Жазира Байырбекова бұл туралы Instagram-дағы парақшасында айтты. Өнер иесі алдымен ұлының баласы бар келіншекпен сөйлесіп жүргеніне қатысты ақпаратқа жауап беріп, артынан Бибігүл Төлегенова туралы жаңалыққа пікір білдірді.

Әнші жарияланып жатқан бұл жаңалықтарды жоққа шығарып, көпшілікті жалған ақпаратқа сенбеуге шақырды.

«Мынау не сұмдық, адамдар?! Оқырман жинау үшін жалған ақпарат тарататындарды не істейміз?! Біріншісі ештеңе емес, екінші суреттегі жазуды айтсаңызшы масқара, ұят-ай. Халық соларға сеніп бізді даттап, сөгіп, қарғап жатқандары жанымды ауыртады. Шынымен сенесіздер ма осындай парақшалардың өтірік ақпараттарына», — деп жазды Байырбекова.