Сарыағашта жер сілкінді

Министрліктің Telegram каналында хабарланғандай, Қазақстан Төтенше жағдайлар министрлігі Сейсмологиялық байқау және зерттеулер ұлттық ғылыми орталығының сейсмикалық стансалар желісі жер сілкінісін тіркеген.

ҚР ТЖМ «ННЦСНИ» ЖШС сейсмикалық стансалар желісімен 2025 жылғы 12 наурызда Астана уақытымен 06 сағат 15 минутта жер сілкінісі тіркелді. Ошағы Өзбекстан Республикасының аумағында Алматы қаласынан оңтүстік-батысқа қарай 684.00 шақырым жерде орналасқан. (Түркістан облысы Келес ауданы Абай ауылынан 16 шақырым қашықтықта). Сезілетіні туралы мәліметтер: Есептік қарқындылығы (балмен): Келес ауданының Абай ауылы 3.0 б., Сарыағаш ауданының Сарыағаш қаласы 3.0 б. құрады. Зардап шеккендер мен қиратулар туралы ақпарат болған жоқ, – делінген хабарламада.

Сондай-ақ министрлік тұрғындарға жер сілкінісі кезіндегі 10 қарапайым қадамды ұсынды:

1. Жер дүмпуі кезінде үрейленбеңіз;

2. Жер сілкіну кезінде лифт және баспалдақ қолданбаңыз;

3. Жиhаздан, терезеден ары тұрыңыз;

4. Жасырынатын жерді табыңыз – жоғары қабаттарда негізгі іргелі қабырғалардың бұрышында  жасырыңыз;

5. Ғимараттан шығыңыз (төменгі қабаттарда); – көпқабатты үйлерде жер сілкінісі аяқталған соң ғимараттан шығыңыз;

6. Үйден шығар алдында суды, газды, электр қуатын мүмкіндігіңізше өшіріңіз;

7. Дабыл жол сандығын алыңыз (алдын ала дайындау қажет);

8. Электр желілерден, ғимарат,  ағаштардан аулақ болыңыз;

9. Жер сілкінуіне дайын болыңыз;

10. Қарт адамдарға, балаларға, мүмкіндігі шектеулі адамдарға көмек көрсетіңіз.