Журналисті өлтіруге тапсырыс берген шенеунік тағы да сотталды

Түркістан облысында білім саласындағы қаржы жымқыру ісі бойынша атышулы сот процесі аяқталды.

Сарыағаш аудандық білім бөлімінің үш меңгерушісі мен сегіз бухгалтері сотқа тартылды. Қылмыстық топ бюджеттің 547 миллион 274 мың теңгесін жымқырған. Іс бойынша айыпталушылар жеті жылдан астам қаржылық алаяқтықпен айналысқан.

«2016 жылдың наурыз айынан 2023 жылдың маусым айына дейін жауапкерлер білім бөлімінде немесе ведомствоға қарасты мектептерде нақты жұмыс істемейтін тұлғалардың аты-жөнін көрсетіп, қасақана жалған мәліметтермен төлем тапсырмаларын жасаған. Сондай-ақ бөлімге бағытталған бюджет қаражатын үшінші тұлғалардың банктік шоттарына аударған», – делінген хабарламада.

Қылмыстық іс бойынша айыпталушылардың бірі – атышулы Бауыржан Майрихов. Ол 2022 жылы Сарыағаш аудандық білім бөлімінің басшысы ретінде жергілікті журналист Амангелді Батырбековті өлтіруге тапсырыс берген еді.

Майрихов жалдаған қаскөй қараңғыда дұрыс көрмей, Батырбековтың ұлына оқ атқан. Алайда жігіт аман қалды. Полицейлер тез арада ақшаға кісі өлтіруші мен тапсырыс берушіні тапты.

Төрт сыбайласымен бірге Майрихов сотталды, оның кінәсі сотта толық дәлелденді. Шенеунік 11,5 жылға бас бостандығынан айырылды.

Сарыағаш ауданының бас мұғалімінің адам өлтіруге тапсырыс беруінен бөлек, бюджет қаржысын жымқыруға да белсене араласқаны белгілі болды.

Сот шенеуніктер мен есепшілерден құралған қылмыстық топқа қатысты үкім шығарды. Алты айыпталушы, оның ішінде Бауыржан Майрихов жеті жылға бас бостандығынан айырылды. Тағы біреуі екі жылға жалпы режимдегі колонияға жіберілді. Қалғандары шартты түрде сотталды.

Бұрынғы үкім мен мерзімдерді ескере отырып, Майрихов 12 жыл түрмеде отырады.

Бауыржан Майрихов туралы шу 2018 жылы Сарыағаш ауданындағы Абай ауылында 1-сынып оқушысын зорлауына қатысты жанжал шыққан кезде жазған. Одан кейін аудандық білім бөлімінің басшысы болған оқиғаны жоққа шығарды. Бірақ оқиға рас болып шығып, Майрихов тергеу аяқталғанша, қызметінен шеттетілді. Зорлық оқиғасын журналист Амангелді Батырбеков бірінші болып шығарды.

Еске салсақ, Түркістан облысында шенеунік 5 миллион теңгеге журналисті өлтіруге тапсырыс бергені айтылған еді.