Әйелдердің қартаюын баяулататын сусын

05 маусым 2025

545

Әйелдердің қартаюын баяулататын сусын белгілі болды. Ғалымдар әйелдердің салауатты әрі белсенді қартаюына ықпал ететін сусынды атады. Ол кофе болып шықты. Гарвард университетінде жүргізілген 32 жылдық ауқымды зерттеу нәтижесінде, орта жаста үнемі кофе ішетін әйелдер қартайған кезде ақыл-ой сергектігін, физикалық қуатын және психикалық саулығын жақсы сақтайтыны анықталды. Зерттеуге 50 мыңға жуық әйел қатысып, олардың өмір салты мен кофеин тұтыну деңгейі тұрақты бақыланған. Нәтижесінде, күніне 2–3 шыныаяқ кофе ішетін әйелдердің 70 жастан асқанда созылмалы ауруларсыз, сергек әрі белсенді болу ықтималдығы жоғары екені белгілі болды. Алайда шай немесе кофеині алынған кофенің мұндай әсері байқалмаған. Сонымен қатар, құрамында кофеин бар газдалған сусындар (мысалы, кола) керісінше, қартаю процесін жылдамдатуы мүмкін.

Бұған дейінгі зерттеулер кофе мен жеке денсаулық көрсеткіштерінің байланысын зерттеген еді. Ал біздің зерттеу кофенің қартаюдың бірнеше аспектісіне қалай әсер ететінін 30 жыл бойы бағалаған алғашқы жұмыс. Нәтижелер кофеинді кофенің, бірақ шай мен кофеині алынған кофенің емес – психикалық және физикалық қызметті сақтау тұрғысынан ерекше пайдалы болатынын көрсетеді, - дейді Гарвард университетінің постдокторанты доктор Сара Махдави.

Мамандар кофені пайдалы әдеттердің бірі ретінде атап, оны дұрыс тамақтану, спортпен шұғылдану және зиянды әдеттерден бас тартумен бірге қолдануға кеңес береді.