Танымал педагог, ардагер ұстаз Өмір Шыныбекұлы білім саласындағы ең масқара жағдай туралы айтып, жазбасы әлеуметтік желіде қызу талқыға түсті деп жазады Democrat.kz.
Өмір Шыныбекұлы өзінің желідегі парақшасында: "Кеше Түркістан Облысының Білім Басқармасына қарасты мектептердегі моральдық ахуал туралы постымды оқыған Шымкенттік бір азамат өз балалары баратын бір жекеменшік мектепте де педагогтар арасында ойнастық белең алып тұрғанын жазыпты.
Ватсапыма келген ол смс-ті растай да, терістей де алмаймын. Бір білерім ондай бар..
2021 ж. Шымкенттік мұғалімдер Ләззат Қарабаева, Меруерт Кайырова және тағы біраз мұғалімдер осындай мәселемен келгенде қала әкімінің орынбасарының қабылдауына кіргізгем.
2022 ж. Жетісайлық бір директор әйелдің үстінен түскен осы іспеттес шағымды Түркістан облысы Білім саласындағы сапаны бақылау Департаментінде қарағанбыз..
"Адал азамат" біртұтас тәрбие бағдарламасын қағаз жүзінде қалдырмай шын мәнінде жүзеге асырамыз десек, "Педагог мәртебесі туралы" заңға өзгерістер мен толықтырулар енгізіп, ұлтты тәрбиелейді деп сенім артқан педагогтарымыздың жүріс-тұрысы үшін бір шеңбер белгілеу керек.
Көптің баласын тәрбиелейтін мамандар үшін жеке шекараның ауқымын белгілеп бермесе болмайды, Жұлдыз Досбергенқызы..." - деп жазды.
Бұл жазбаға қатысты "Өте дұрыс көтерілген мәселе. Қазіргі кезде жас педагогтердің арасында да ажырасқандар көбейіп бара жатыр. Өзінің отбасының ұйытқысы жоқ педагог болашағымызға қандай білім тәрбие береді. Педагогтердің отбасылық жағдайынан бастап зерделеу керек", "
Бұл өте дер кезінде көтеріліп отырған өзекті мәселе. Мектептерде моральдық тұрғыдан жұмыс істеуге құқығы жоқ кісілер бар. Арасында тіпті басшылар да табылады. Құдайым-ай, ұрпағымызды, тап таза, үлпілдеп тұрған балаларымызды оқытып, "тәрбие" беруге сеніп тапсырып жүрміз. Қанша білімді, тәжірибелі болса да азғындық іс жасап жүрген жанның жүрген жерінде жақсы дүние бола қоймайды. Таза болып, ниетің дұрыс болып, ізденіп, оқып, дайындалып барғанның өзінде оқушыларға тәлім-тәрбие беру қиынның, қиыны. Бойың да, ойың да, ісің де, өткенің де, бүгінің де дұрыс болғанның өзінде, солай.
Білім мен тәрбие беретін орын таза болуы керек. Ел болашағы ұрпақ адал болуы керек. Жақсылардан, адал жаннан білім мен тәрбие алмаса, болмайды" деген пікірлер жазылуда.
