Бірнеше күннен бері әнші Алтынай Жорабаеваның қызы ұзатылып, қоғамда осы той қызу талқыланып жатыр. Десек те, бұл тойдан жұрт қыздың әкесі Сәбит Әбдіхалықовты көрмеді деп жазады Democrat.kz.
Алтынай Жорабаева үлкен қызын дүркіретіп ұзатып, құдалығын өткізіп жатқанын білдіріп, әлеуметтік желідегі парақшаларында тоқтаусыз видеолар бөлісіп жатыр. Алайда қырағы көз оқырман бұл тойда ұзатылып жатқан қыздың әкесі Сәбит Әбдіхалықовты іздеді.
"Қыздың өз әкесі ғой, Сәбит қайда", "әкесі өз қызының қуанышында төбе көрсетпегені қалай?", "масқара, не болса да, қызының тойына әкесі болып қатысуы керек емес пе?" деген сауалдар көбейді.
Білетін болса керек, пікір жазушылардың ішінде біреуі "Сәбит Әбдіхалықов Қазақстанда емес, шетелде жүр, жұмыстарымен. Содан қаыса алмапты" деді.
Бұл хабар желі қолданушыларды тіпті таңғалдарды. "Не жұмыс ол сонша, өз қызының тойына қатыса алмайтындай" деп тағы пікірлер жазыла бастады.
Әзірге Алтынай Жорабаева бұрынғы күйеуі Сәбит Әбдіхалықовтың қыз ұзатуға неге қатыспағаны туралы ресми ештеңе айтпады.
