Танымал актер Тұңғышбай Жаманқұловтың өз әйеліне басқа біреудің рөлін алып бермек болған әрекеті әлеуметтік желіде сынға түсті деп жазады Democrat.kz.
Бір кездері М.Әуезов театрында "Қаралы сұлу" спектаклін қою туралы ақылдасу барысында тартыс болған екен. Бұл туралы актриса Ләйлә Бекназар кезекті сұхбатында: "Режиссер Болат Атабаев "Қаралы сұлуды" Әуезов театрында сахналау туралы ұсыныс айтты.
Сол кезде Тұңғышбай Жаманқұлов Қарагөздің рөлін кім сомдайтынын сұрады. Болат Атабаев "Ләйлә ойнайды" деді. "Жоқ, Қарагөздің рөлін әйелім Дария ойнамаса, театрда сахналатпаймын!"деді.
Болат Атабаев та "егер Ләйлә ойнамаса, мен бұл спектакльді Әуезов театрында қойдырмаймын" деп Мүсірепов атындағы театрында сахналатты", - дейді.
