Қарағандылық ажырасқан ерлі-зайыптылардың төрт жасар ұлы қалған. Бұған дейін сот баланы анасымен қалдырып, әкесінен алимент өндіріп, баламен кездесу тәртібін бекіткен, деп жазады Democrat.kz.
Алайда әкесінің бір кездесуінде бала денесінде гематомаларды байқалған. Сараптама бұл жарақаттарды жеңіл дене жарақаты деп бағалады. Сонымен қатар, баладан психикалық дамудың кешеуілдеуі, дене салмағының аздығы, ЖРВИ және педагогикалық қараусыздық белгілері анықталды.
Кейін әке баланың анасынан алынып, Балаларды қолдау орталығына орналастырылғанын білген. Белгілі болғандай, әйел баласының қолын байлап, оны үйде жалғыз қалдырған.
«Көршілер ұзақ жылаған баланың дауысын естіген. Есік арқылы қарағанда, баланың қолы резинкамен артына байланған, жылап, бөлмеде жүгіріп жүргенін көрген. Олар жедел қызметтерді шақырды», – деп хабарлады сот.
Оқиға орын алғаннан кейін әке баласын өзінің алты бөлмелі жеке үйіне алып кеткен. Бұл үйде баланың атасы мен әжесі де бірге тұрады. Сот анықтағандай, баланың сын көтермес жағдайға түсуі анасының жанында болған кезде орын алған, кері дәлелдер ұсынылмаған.
Заңды күшіне енген үкім бойынша анасы Қылмыстық кодекстің 140-бабы 2-бөлігі бойынша ата-ана міндеттерін орындамау, тиісінше орындамау және қатыгездікпен қарау фактісі бойынша кінәлі деп танылды.
Сот әйелдің баланы жалғыз қалдыруы мен қолын байлап кетуі оның нақты қауіпке ұшырауына әкелгенін атап өтті. Қорғаншылық органдары баланың мүддесіне сай қорытынды берді.
«Осы мән-жайларды ескере отырып, сот әкенің талаптарын толық қанағаттандырды: анасы ата-ана құқықтарынан шектелді, баланың тұрғылықты жері әкесінде белгіленді, анасынан алимент өндіріліп, әкесі төлеуден босатылды», – деп хабарланды.
Апелляциялық алқа шешімді өзгеріссіз қалдырды. Анықталғандай, анасының кінәлі іс-әрекеті ата-аналық міндеттерін өрескел бұзу және қатыгездік көрсету, баланың физикалық зорлыққа ұшырауына себеп болған.
