Бұл туралы журналист Қанат Тілеухан әлеуметтік желідегі парақшасында бөлісті, деп жазады Democrat.kz.
Ақынның ескіліктің көзін көрген қарттардың қолында өскенін тілге тиек еткен Тілеухан: «Бақыт ағаның әжесі жүзден асқанда дүниеден өтіпті. Ағайын, дос-жаран, құрбы-құрдастар келіп көңіл айтады. Содан бір досы келіп: «Бақыт, әжең кеше ғана аман-есен жүр еді, қалай осылай боп қалды?» – деп көңіл білдіріпті. Бір уақытта әлгі жолдасы қайта айналып келіп, «дені сау еді ғой, не болды?» – деп тағы сұрапты. Үшінші рет келгенде Бақыт ағам «Әжемді атып кетті» деген екен.
Содан жаназа басталып, қарызы бар-жоғы айтылып жатады ғой, сол кезде имам тұрып «ғасырдан аса өмір сүрді, бұл кісінікі той десе де болады» депті. Сонда ақын «Почти қыз ұзату ғой» деген екен...
