Атырауда жоғалған отбасы: Күдіктінің анасы мәлімдеме жасады (ВИДЕО)

17 ақпан 2026

910

Мақаланы бөлісу
Атырауда жоғалған отбасы: Күдіктінің анасы мәлімдеме жасады (ВИДЕО)

Коллаж: Democrat.kz.

Атырау облысында ерлі-зайыпты Мақсот Қарабалин (66) мен Насіп Өтешқалиева (64) қаза тапқан іс бойынша күдікті деп танылған 29 жастағы Сұлтан Сәрсемәлиевтің анасы ұлын елге оралып, полицияға беріліп, болған жағдай үшін жауапкершілік алуға шақырды деп жазады Democrat.kz.

Марқұмдардың мәйіті 6 қаңтарда өз үйлерінің ауласындағы сарайдан көмілген күйі табылған. Жангелдин ауылындағы отбасы 2025 жылдың қарашасында белгісіз жағдайда жоғалып кеткен: алдымен ұлы Наурыз хабар-ошарсыз кетіп, кейін көршілер отбасы медициналық көмек іздеп кеткен болуы мүмкін деген болжам айтқан.

Күдіктінің анасы Гүлнәр ұлының қылмысқа қатысы бар екеніне сенбейтінін айта отырып, оның балаларын ойлап қайтып келуін өтінген. Оның сөзінше, Сұлтан екі айдан бері байланысқа шықпаған, тіпті бес баласымен де хабарласпаған.

Қаза тапқандардың туыстары Наурыздың хат-хабарындағы жазу мәнері күрт өзгергенін айтып, кей хабарламаларды басқа біреу жазған болуы мүмкін деп күдіктенеді. Сондай-ақ олар қаржылық жайттарға назар аударады: марқұмның шотынан күйеу баласының есепшотына ақша аударылғаны, жоғалған қыздың атына несие рәсімделгені және малдың сатылғаны туралы деректер бар. Қазір күдіктінің қайда екені белгісіз, тергеу жалғасуда; полиция басқа адамдардың ықтимал қатысын да тексеріп жатқанын мәлімдеді.

Барлық жаңалықтар