Белсенді педагог Тілекқабыл Нұрышов Оқу ағарту министрімен болған кездесуде өзі тарапынан жасалған ұсыныстар туралы жазба жариялады деп жазады Democrat.kz.
"Жұлдыз Сүлейменова ханыммен кездесуде мен де болдым. Ұсыныстарымның барлығын тізбелеп жатудың қажеті жоқ шығар.
Ең бастысы білім саласындағы құқықбұзушылық пен білім сапасын арттыру үшін, Оқу-ағарту министрі өңірлердегі білім басқармаларының басшысын тағайындайтын құзырет болуы керек.
Бұл ұсынысты менен де бұрын, белсенді әріптестерім, министрлерге айтқан болатын. Бірақ, қазіргі таңда жасөспірімдер арасында құқықбұзушылық ерекше сипатқа ие болды.
Жұлдыз ханым педагогикалық қауымдастықтың, депутаттардың, халықтың ерекше қолдауына ие екендігін ескере отырып, Ақорда осындай мүмкіндік берсе жақсы болар еді.
Бұл ұсыныстың орындалуы қиын екені түсінікті, дегенмен қанша қиын болса да, осыған қол жеткізсе, жақсы болар еді.
Жалпы, министр ханым өте сауатты, ашық, жігерлі тұлға. Бастаған әр ісіне сәттілік тілеймін"деп жазды Тілекқабыл Нұрышов.
