Оқу ағарту министрі Жұлдыз Сүлейменованың үстінен жұмыстан шығарылған министрлік қызметкерлері арыз жазғанын хабарлаған болатынбыз. Қоғамда қызу талқыланып жатқан осы мәселеге қатысты белсенді педагог Айман Сағидулла өз пікірін білдірді деп жазады Democrat.kz.
Белсенді педагог әлеуметтік желідегі парақшасында осы шулы мәселеге қатысты: "Министрдің кетуін сұрап министрлік қызметкерлері Президентке арызданыпты дей ме?
Арызды "Democrat.kz" сайтынан оқыдым.
Бұлардың арасында Жанар Рақметова бар екен. Жанар ханым туралы мақаланы мына сілтемеден оқи аласыздар.
2018 жылы Жанар Рақметованың үстінен мен арызданып, ол кісі қатаң сөгіс алған болатын.
Екінші сілтемедегі мақаланы оқысаңыз дәл осы кісі туралы жазылған.
Кезінде қазақша сөйлеуден бас тартқан адам, Қазақстанның білім саласының бүкіл бюджетін жоспарлау департаментін он жылдан астам уақыт басқарып келді.
Министр бұл кісіні жұмыстан шығарыпты. Арыздан оқыдым.
Арыз жазуға әркімнің құқығы бар. Мұғалімдерді әуреге салған заңсыз "Нысаналы мектеп" жобасын жасаған кімдер?
Мұғалімдерге қиындық қана әкелетін 197- бұйрықты жасап шыққан кімдер?
Мен айтып отырған бұйрық Жұлдыз келгенге дейін қабылданған.
Министрлікте жалғыз министр ғана жұмыс істемейді. Арызданушылардың өздері де жұмыс істеп отыр.
Жұлдыз Досбергенқызы Сүлейменова ханым!
Бұл кісіні жұмыстан шығарғаныңыз дұрыс болған. Басшылық құрамның ауысып отырғаны дұрыс!
Арызда Жайнагүл Төлеміс ханымды да көрдім. Сөзі нық, мәдениетті , жақсы адам.
Жақында хабарласқанымда жұмыста еместігін айтып еді. Өкінішті.
Жұлдыз ханым! Жайнагүл Төлемісті бекер шығардыңыз.
Қалғандары кете берсін! Министрлік әкелерінен қалған мұра емес.
Жұлдыз ханым! Айналаңызда бұрынғының іздері жүр. Байқаңыз. Әр құжатқа қол қоярда мұқият оқыңыз.
Ешкімге сенбеңіз.
Жанар Рақметова ханым ! Егер жұмыстан заңсыз шығарылған болсаңыз сотқа арыздана аласыз.
"Мені ол жұмыстан шығарды, сіз де оны жұмыстан шығарыңыз" деген арыздар онша жұмыс істемейді", - деп жазба жариялады.
