Танымал әнші Жанар Айжанова "Мамский әңгіме" подкастында берген сұхбатында бұрынғы бірінші күйеубаласы туралы айтып, пікір білдірді деп жазады Democrat.kz.
Өнер иесі қызы Айжұлдызға ажырасқаннан кейін қалай қолдау көрсеткенін және экс-күйеубаласы жайлы алғаш рет айтты.
"Айжұлдыздың жағдайы әрине, қиын болды. Айтқым да келмейді. Бірақ бір-ақ нәрсені түсіндім. Болмайтын нәрсе. Әдеттегідей қызыма қолдау көрсеттім. "Жылама қызым, мұңайма. Бәрі уақытша, өтеді-кетеді. Ең бастысы балаңды аман-есен босанып ал. Керек болмаса, маған керек, саған керек. Рахатты көресің ертең. Ештеңе де қирап қалған жоқ. Ең бастысы сенің және баланың амандығы", - дедім. Әп-әдемі болып, баласын туып алды. Үмітсіз шайтан. Болмайтын нәрсені ары қарай құрастырып керегі жоқ. Бір әйелді бақытты қыла алмайтын шіркінді әңгіме қылып та керегі жоқ. Жалпы айтып жатырмын", - деді әнші.
