ТикТок әлеуметтік желісінде тараған МузАрттың әншілері Сәкен Майғазиев пен Мейрамбек Беспаевтың видеосы жұрттың ашуын тудырды деп жазады Democrat.kz.
Видеода "Астана әуежайындағы кездейсоқ кездесу. Бір бірімізді сағынып қалыппыз" деген жазу бар.
Сәкен мен Мейрамбектің бірге отырғанын және Мейрамбектің Сәкенге әлдене деп, иығына басын қойған сәтін көруге болады. Екі әншінің алдында да стакандарда бірдей түстегі сусын бар.
Стакандағының спирттік сусын екені белгісіз. Десек те, видеоны көрген жұрт бірден Сәкенге реніш білдіріп, "бл видеоны түсіртіп, тараттырып отырған сол" дегенге саятын пікір жазуда.
