Министр мәлімдеді: Мектепте жаңа үш пән енгізілмек

15 сәуір 2026

2211

Мақаланы бөлісу
Министр мәлімдеді: Мектепте жаңа үш пән енгізілмек

Жұлдыз Сүлейменова. Фото видеодан скрин.

Оқу-ағарту министрі Жұлдыз Сүлейменова Атырауға жұмыс сапары аясында «Келешек мектебіне» барып, білім ордасының жұмысымен танысты. Сондай-ақ педагогтердің сауалдарына жауап берді, - деп хабарлайды Democrat.kz. сайты Өңірлік коммуникациялар қызметіне сілтеме жасап. 

Кездесу барысында білім сапасын арттыру мәселесіне ерекше назар аударылды. Министр жаратылыстану-математика бағытындағы пәндердің оқу сағаттары мен мазмұны қайта қаралып, бастауыш сынып бағдарламасына өзгерістер енгізілетінін айтты.

Сонымен қатар 5–7 сыныптарға «Конституция негіздері», 8–9 сыныптарға «Заң және тәртіп» пәндерін енгізу, ал 10–11 сыныптарда «Құқық негіздерін» оқытуды міндеттеу жоспарланып отыр. Оқушылардың білім деңгейін бағалау мен сауаттылығын арттыру мақсатында мазмұндама, шығарма және диктант жазу қайта енгізілетінін жеткізді.

- «Келешек мектебі» үшін үш негізгі қағида – тазалық, тәртіп және педагогтердің бірсарынды жұмыс істемеуі. Ол тек білім ордасы ғана емес, елдің ертеңіне қызмет ететін білімді ұрпақты даярлайтын маңызды орта болуы қажет, – деді ол.

Барлық жаңалықтар