Белсенді ұстаз Айнұр Сабыр соңғы уақытта жергілікті билік тарапынан болып жатқан мұғалімдерді қудалау, қысым жасау жағдайларына қатысты жазба жариялап, айтылған мәселе қызу талқыға түсті деп жазады Democrat.kz.
"Мұғалімімен алысқан қоғам алысқа бармайды-ау?!
Екі миллион жалақы алатын әкім мұғалімдердің ақшасын санап, 300-400 мыңын әңгіме қылып, ол отыр...
Мұғалімдер дегеніммен жүрмеді, айтқаныма көнбеді деп, соңдарынан шам алып, әлеуметтік желіде қоқан-лоқы жасап, тағы біреулер әлем тапырақ болып отыр...
Бүгін де омбы қарға омбығып, қолдарында өздері құрап алған бұйрықты жалбыратып, басшысына ұнамаған мұғалімдерді тексеріп, қыруар жұмысын ысырып қойып, бүгін тағы біреулер қара терге малшынды...
Жалпы біздің халық жапондардың еңбекқор, өз кабинетін өздері тазалайтын балаларына қарап, "бізге де осы керек" деп, айтып отырады. Ондай оқушыға сондай мұғалім, сондай жүйе керек. Жапондарда ең жалақысы жоғары қызмет мұғалімдікі. Материалдық қысым көрмейтін мұғалімдер, әрине, алаңсыз жұмысын істеп жүре береді. Олар саяси "ойындарға" араласпайды. Оларды ата-аналары дастарқан басында, баласының көзінше жамандамайды. Оларды директорлары ата-ананың алдында жығып бермейді...
Қазіргі қоғамда Мұхтар Әуезовтің " Ел болам десең, бесігіңді түзе" деген сөзінің қадірі кетті. Жұрт "бесік түзеумен" емес, мұғалімді "түзеумен" алысып кетті..."деп жазды Айнұр Сабыр.
Жазбаға қатысты педагогтар төмендегідей пікір жазып, өз ойларын ортаға салуда:
"Бара -бара жастар метептен қашады.Мынадай сұмдық тоқтамаса"
"Дұрыс айттың! Өздерінде проблема жоқ креслода отырған соң бір нәрсе ойлап табу керек қой алған млн. тг айлыққа. Жас келген маманға 5 жылға дейін әдістемелік көмек көрсетілетін, жаңа келген директордың мектебі 5 жылдан кейін фронтальды тексеру арқылы директордың жұмысы мен мектептің барлық оқушы білімі, жетістіктері, шаруашылығы т.б.б тексеріліп бағаланатын. Оқулық қателіктері жайында қалды. Мектептің проблемасын мектепте көп жылдар еңбек еткен ғана біледі. Менің білгенім жоғарыдағылар мектепте 1 мин. қызмет етпегендер. Қайдан білсін мұғалімнің жан айқайын. Директордың орны, мұғалімнің айлығы басқа шаруа қалмады жоғарыдағыларға"
Жергілікті білім басқармаларын Министрлікке қаратпай, мынандай сұмдық тірлік жалғаса береді. Жұлдыз Досбергенқызы Сүлейменова ханым, осы білім басқармаларын осы Конституция өзгерісі тұсында неге тікелей министрлікке қарату бойынша ұсыныс тастамайсыздар? Зор мүмкіндік қой. Сонда біраз жемқорлық тыйылар еді.
"Иә, ұстаз мұғалімдердің қадір - қасиеті кеткелі көп болды ғой! Қадірін түсірген жоғарыдағылар. Қалада концерт өтема ма апарады, иподромда наурыз өте ма апарады, қай жерде жиын өтеді апарады, сайлау болған сайын мұғалімдер көше кезіп, үй - үйді аралап сайлауға адамдарды шақырып қағаз таратады, біреу сайлану үшін жоғарының айтқанын істеп " бюльютен " жинап көзге түседі, қай жерде жұмыс болса сол жерге айдап бару мұғалімдерді, Қазақстандағы " үрдіс план " болды. Әбден халыққа ит етіп көрсетіп, қадірін түсіріп біттіңдер жоғарыдағылар. Енді келіп, директор қанша жылға сайлану керек деп жұрттың миын ашытудасындар. Халықты мұғалімдерге қарсы қойып. Жетеді ғой ұстаз қасиетін түсіргендерің. Тыныш жұмыс істеуге мүмкіндік беріңдер"
"Әлеуметтік қызметкерге обал болды.Ерекше балаға келгенін ,кеткенін телефонға түсіріп иттей боп жүр.Бұны кімге айтамыз?!"
""Шаш ал, десе бас алатындар", Достоевскийше айтқанда "ішіне жын кіргендер" қазақ даласында әлі көп болар. Олардың талай сорақылығын көзіміз көріп, құлағымыз еститін болар, Құдай ғұмыр берсе."
"Масқара, жұмысқа келгенде кісендеп, сабағы біткен соң кісеннен босатып отырсын. Одан басқа тағы не ойлап табады екен мұғалімдер үшін"
