Батыс Қазақстан облысындағы Теректі ауылында оқушы сыныптасын пышақтаған сұмдық оқиға орын алғаны мәлім. Осы жағдайға қатысты сол аймақтағы белсенді ұстаз Тілекқабыл Нұрышов пікір білдірді деп жазады Democrat.kz.
"Таба емес, тоба...
Бұл, мектептің оқу - тәрбие үрдісін дұрыс жолға қою керек деп 2019 жылдан дабыл қақтым. Өкінішке орай, сол кездегі Білім Басқармасының басшылығы, мәселені шешудің орнына, өзімді қудалады, жер аударды.
Өзің ұжыммен тіл табыса алмайсың деп. Осы мектептің тәрбие жөніндегі орынбасарлары күл астынан су жүгіртіп, ата - аналармен бірлесіп мектептің ішінде митинг жасап, бүкіл елге " Нұрышов кетсін" деп жар салды.
Жақсы мен кеткелі 3 (үш) жыл болды. Алайда, әріптестерім жұмыстарын дұрыс жолға қойып, кәсіби дамудың орнына, кері кетті. Абырой болғанда, оқушы аман. Аман болсын.
Болашақ ұрпақ зардап шекпесін. Баланың түк кінәсі жоқ, егер оларға тәлім - тәрбие, білім беретін педагогтердің әрекеттері заңсыз болса...
2019 жылдан осы мектептегі заңсыздықтар үшін 3 (үш) Теректі аудандық білім бөлімінің басшысы мен 3 (үш) мектеп директоры лауазымдарымен қош айтысты.
Әрине, барлығы өз еріктерімен кетті. Бірақ, мәселені ешкім байыптамады....
Осыншама басшылардың қызметінен кетуіне ықпал етіп "көлеңкеде" отырған бір топ бары анық...
Қаншама тексеріс, қаншама заңсыздық болса да олар әлі "су бетіне" шыға қойған жоқ.
Енді Елдос мырза, мәселені түбегейлі шешіп, бұл мектептің әкімшілік құрамын 100% жаңа білікті педагогтермен қамтамасыз етіп, (көшбасшы курсынан өткендер баршылық) ең бастысы оқушылар арасындағы заңсыздыққа тосқауыл қояды деп сенім артамын" деген Тілекқабыл Нұрышов мәселе бойынша Оқу ағарту министрі тиісті шараларды қолға алса деген ұсынысын да жеткізді.
