Жасанды интеллект Қазақстанның еңбек нарығын біртіндеп өзгертіп жатыр. Сарапшылардың болжамынша, жаңа технологияны тиімді пайдалана алатын қызметкерлердің өнімділігі мен табысы өсуі мүмкін, ал автоматтандыруға оңай кей мамандықтарға сұраныс төмендеуі ықтимал, деп жазады Democrat.kz.
Жасанды интеллект компанияларға бұрын адамның көп уақытын алатын бірқатар операцияны жылдам орындауға мүмкіндік береді.
Бұл қызметкерлердің барлығы жұмыссыз қалады дегенді білдірмейді. Керісінше, технологияны кәсіби міндеттеріне дұрыс енгізе алған мамандардың өнімділігі артады.
Соның нәтижесінде олардың нарықтағы құны мен жалақысы да өсуі мүмкін.
Алайда қайталанатын және стандартталған міндеттері көп қызметтер үшін жағдай өзгеше. Мұндай жұмыстың бір бөлігін алгоритмдер атқара бастаған сайын компанияларға бұрынғыдай көп қызметкер қажет болмауы ықтимал.
Сарапшылар сондықтан адамдарға жасанды интеллектпен бәсекелесуге емес, оны жұмыс құралы ретінде меңгеруге кеңес береді.
