Ақтөбелік қоғам белсендісі Малик Орақов ұлттық мәселеге қатысты үлкен өкінішін білдіріп, жазба жариялады деп жазады Democrat.kz.
"Қазіргі ұрпақ күні кешеге дейін орыстардың, қалаға келген қазақтарды, "колхозники" "мәмбети" "понаехали" деп қорлап, бірдеме десе онан да зорын айтып түйгіштеп, қорлағанын білмей ма?!
Білсе неге қайтадан "орысшыл" болып барады?
Шынымен құлдық қамытты, мәңгілікке мойнына іліп алған ба?
Ақтөбеде жаңадан салынған "Батыс-2" деген аудан бар. Жаңа заманға сәйкес кең көшелер, сәулетті биік үйлер, балалар мен жасөспірімдерге арналған, спорт кешендері, оқу-би үйірмелері, мәдени орталықтар, тб барлығы бар...
Тұрғылықты халқы 99% қазақтар-ау!
Сол аудандағы жеті мектептің біреуі ғана таза қазақша мектеп те, қалған алтауы аралас мектеп.
Енді жаңадан бір жайлы 80-ші мектеп ашылғалы тұр. Жоспар бойынша таза қазақша мектеп болуы керек еді...
Бірақ, өкінішке орай сол мектептің маңайында тұратын ата-аналар, бұл мектепті де аралас қылу үшін, жанталаса қол жинап кетіпті. Естуімше басым бөлігі қазақтар.
Бүкіл дүние жүзі "орыс әлемінен" қашып жатса, біздің қазақтар керісінше қолтығына кіріп барады.
Неткен өкінішті?!
Неткен қайғылы...?!" деп жазды Малик Орақов.
