Ұрды дегені қып-қызыл өтірік: Абақтыдан шыққан Асқар Жұмабек түнеукүнгі жанжалдың сырын ашты

01 сәуір 2026

337

Мақаланы бөлісу
Ұрды дегені қып-қызыл өтірік: Абақтыдан шыққан Асқар Жұмабек түнеукүнгі жанжалдың сырын ашты

Фото интернетен.

Әріптесіне күш көрсетіп, балағат сөз айтты деген айыппен 10 күнге отырып шыққан атышулы актер Асқар Жұмабек түнеукүнгі оқиғаға қатысты өз уәжін айтты деп жазады Democrat.kz.

Бостандыққа шыққан бойда, оқырмандарға үндеу жолдаған актер өзін ақпын, адалмын деп отыр.

"Мені жұрт алдында жаманатты қылған "Тұлға" дүкеніне мың алғыс. Әлгі қызға дау мен дақпырт керек болды. Менің еш кінәм жоқ. Ұрды деген әңгімесі өтірік. Мен шемоданды бір қойдым. Бұл мәселеге әлі нүкте қойылған жоқ. Жақын уақытта тағы бір маңызды мәлімет айтамын", - деді Асқар Жұмабек.

Бұған дейін Асқардың түсіру алаңындағы әріптесі желіде жариялаған жазбасында актердің өзіне қол көтермек болғанын мәлімдеген.

Оның айтуынша, түсірілім 20 наурыз күні таңғы сағат 10:00-ге жоспарланған. Жұмабектің өзі алдын ала оятуды өтінген. Себебі бұған дейін де түсірілімдерге кешігіп, келмей қалған жағдайлар болған.

«Сағат 8:30-дан бастап хабарласып, ояттым. Екінші қоңырауда көтеріп, тұрғанын айтты. 9:18-де тағы бір рет хабарласып, ұйықтап қалмағанын тексердім», – деп жазды Нарзиева.

Оқиға актердің түсірілімге келуімен күрт өзгерген. Оның сөзінше, Жұмабек келген бетте «неге ерте ояттың?» деп ашуға мініп, әңгімені дауға ұластырған.

«Мен тек кешігіп қалмауын ойладым дедім. Сол сөзден кейін бірден ашуға булығып, жағдай ушығып кетті. Ақыры маған қол көтермек болды», – деген еді ол.

Барлық жаңалықтар