Бағдат Мусин елден кетіп қалған ба?
ҚР бұрынғы Цифрлық даму, инновациялар және аэроғарыш өнеркәсібі министрі Бағдат Мусин бірнеше күнге Қазақстаннан кетті, деп хабарлайды Azattyq Rýhy.
«Мен бірнеше күн бойы АҚШ-та болдым. Белгілі бір мақсаттар бар. Әрине, уәде етілгендей, мен кәсіби мәселелерді отбасылық мәселелермен біріктіруге тырысамын. Бұл жолы кішкентай құраммен ұшуды шештік, сүйікті Дина, кіші қызы Бірғаным және мен», — деп жазды Бағдат Мусин әлеуметтік желідегі парақшасында.
Ол осы күндері Bay Area-да өтетін бірнеше іс-шараға қатысу жоспары туралы хабарлады.
«Дәстүр бойынша, мен әр түрлі әлеуметтік бастаманы талқылау үшін Digital Nomads-пен (біздің аймақтың Бэй Агеада тұратын жергілікті тұрғындарымен) кездесемін. Кездесу біз жасаған Silkroad innovation hub қабырғасында өтеді.
Мен еліміздің спорттық бағдарламалау Федерациясының басшысы болғандықтан, осы жылдың қыркүйек айында Астанада зияткерлік спорт түрінен әлем чемпионатының финалын (спорттық бағдарламалау) өткізуге қатысты бірнеше ұйымдастырушылық мәселені шешемін. Ол үшін ICPC басшысы Билл Паучермен және оның командасымен кездесемін», — деп түсіндірді бұрынғы министр.
Бағдат Мусин басқа елдерді цифрландыру бойынша фреймворк қалыптастыруды талқылау үшін түрлі университет профессорларымен бірнеше кездесу өткізуді жоспарлап отыр.
«Қазақстанның тәжірибесін одан әрі тарату керек, менің ойымша, АҚШ университеттері қызығушылық танытады. Сондай-ақ әртүрлі қорлармен және компаниялармен кездесулер болады», — деп түйіндеді ол.
Естеріңізге сала кетейік, Бағдат Мусин 2020 жылғы 2 қыркүйектен бастап 2024 жылғы 30 сәуірге дейін ҚР Цифрлық даму, инновациялар және аэроғарыш өнеркәсібі министрі лауазымында болған.
Фото интернеттен алынды.
