«Балмұздақ берем» деп баланы мешітке тарту керек» дейді имам (ВИДЕО)

Әлеуметтік желіде тараған видеода Түркістан облысы, Сайрам  ауданының имамы Арыстан Оспанов мешітке «бала тартудың» әдістері туралы айтты деп жазады Democrat.kz.

Имамның кезекті уағызының бір бөлшегі қиылып, әлеуметтік желіге салынғаны белгілі. Десек те, Арыстан имамның нақты не айтқысы келгенін бір сөйлемінен анықтау қиын емес-ау?

«Имамдар шаруасын істеп сыртта жүре берсін. Әр мешітке бір ұстаздан отырғызып, балаға құран оқуды үйретсе… әр ауылдың мешітіне ұстаз қою керек. Бала мешітке бір ай барса… Мысалы, менің ауылымның балалары кезекпен «ертең «морожныйды» мен көтерем, арғы күнгі «дарбызды мен көтерем» деп кетеді, болды. «Ертең морожный» десең, бүгін 15 бала отырса, ертең 30 бала болады. Балалар мешітке бір рет кіріп шықса, жетеді», — дейді Арыстан имам.

Имамның негізгі айтпақ болған ойы сонда —  мешітте су тегін  «балмұздақ, қарбыз» секілді дүние береді деп, ауыл баласын мешітке алдап әкелу ме?

«Мешітке бір рет кірсе, жетеді» дегені — тегін қарбыз жегізіп, діни уағызбен баланың санасын бір келгенде-ақ жаулап алуға болады  дегені ме? Бұл қалай? Сіз қалай ойлайсыз?

Дайындаған — Әлия БОЛАТҚЫЗЫ.

Фото интернеттен.