Қамаудан шыққан бұзақыны «бұзылған аялдама» қарсы алды

11 қыркүйекте Астана тұрғыны Ибадулла П. мас күйде Ақжол даңғылындағы аялдаманы сындырды. Бұзақы ұсталып, 15 тәулікке қамауға алынған еді деп хабарлайды Democrat.kz. тілшісі “Жаңа Адамдар” жастар қозғалысының ақпаратына сілтеме жасап.

26 қыркүйекте оны бас бостандығынан айыру мерзімі аяқталды. Алайда Ибадулла П.-ның шытырманы мұнымен біткен жоқ.

Уақытша ұстау изоляторынан шыға берісте бұзақыны аялдама костюмін киген Жаңа адамдар белсенділері қарсы алды. Олар бұзақыдан «сынған ағасы» алдында кешірім сұрауын талап етуге келді.

Мұндай күтіп алуды күтпеген бұзушы басында өзін ақтап алғысы келгенімен, жағдайдың ушығып бара жатқанын түсініп, жүрексініп, әдеттегідей темірін «сермеудің» орнына қашып кетті.

Жаңа адамдар мұндай флешмоб қалалық инфрақұрылымды бұзғандардың әкімшілік жазасына жақсы қосымша болып, жабайы әрекеттердің қайталануын болдырмауға көмектеседі деп үміттенеді.

«ВандализмOFF» жобасы еске салады: қала инфрақұрылымының әр талқандалуы — барлық азаматтардың қалталарына соққы.

Бір аялдаманың орташа құны шамамен 3 млн теңгені құрайды, бұл ақшаны бұзақылар шабуылынан кейінгі жөндеу жұмыстарына емес, қаланы дамытуға жұмсауға болар еді.

Аялдамалар енді үнсіз қалмайды, олар әрбір сынған әйнек пен зақымдалған отырғышты «сұрайтын» болады.

Фото видеодан скринделіп алынды.