Қазақстанда орыс тілінің тынысы тарылып жатыр ма?

22 қараша 2024

925

Қазақстанда орыс тілінің тынысы тарылып жатыр ма?

Басқасы басқа, орыстардың, тілімізді тынысын тарылттыңдар деп ренжитін жөні жоқ. Интернеттен алынған мына мәліметтерге қараңыздаршы:

— Талдықорған қаласындағы 28 мектептің алтауы ғана қазақ. Рудный қаласында 21 мектептің үшеуі ғана қазақ тілінде. Семейде 68 мектеп бар, оның 27-сі қазақ, бұл 39% -. құрайды. Талғар қаласында 10 мектеп бар, олардың тек 4-і қазақ. Ал бүкіл Талғар ауданында 42 мектеп, таза қазақ тілінде 13 мектеп. Өскеменде 12 қазақ мектебі, ал қалада барлығы 48 мемлекеттік мектеп бар.

Кеше бір дос баламмен сөйлестім телепонмен. Алматыда тұрады. Ұлын сабақтан алуға бара жатыр. Байқаймын, ұзақ жүрді. Бір кезде мектебің неше км жерде десем, шамамен 1,5 км жер дейді. Мәә дедім, қазір оның үстіне кеш тез батады, балалар қараңғыда қалады-ау деп ойладым. Содан, жақын маңайда мүлдем мектеп жоқ па десем, дәл үйінің жанында орыс мектеп бар екен. Жалпы орыс мектептердің санын азайту үшін қандай іс шаралар жасалып жатыр? Орыс мектеп деген орыс тілділерді өсіріп жетілдіретін кәдімгі теплица ғой. Олар неге осы уақытқа дейін өздерін ерекше, жеке ұстап, анклап қалыптастырып отыр? Меніңше, орыс мектептерді азайту үшін оларды аралас мектепке айналдыру керек. Аралас мектеп қылып, оларды іштен жаулау керек секілді. Бірақ бұл тәсілде қауіпті секілді. Жалпы кез келген мектеп аралас деп жарияланғанда, ондағы әкімшілік орыс тілді болса, сол мектепке келген қазақ балаларын барлық тәсілдермен шақырып, орыс сыныптарын толтыруға мәжбүр етуі мүмкін. Сіз қалай ойлайсыз? Бурахан ДАҚАНОВ, қоғам белсендісі. Facebook жазбасы. Фото көрнекілік үшін интернеттен алынды.