Төзімді болсаңыз, бір миллион теңге аласыз

Бір бөлмеге қамалып, бір миллион теңге аласыз. Facebook қолданушысы Дәурен Сейітжанұлы «Түркістан» телеарнасында осындай жүлде қоры бар реалити шоу пайда болғанын жазады. Жобаның аты — «Төзім TEST» екен.

Жігіттерді бір бөлмеге қамап қойып, төзімін тексереді. Телефон ұстатпайды, дүниядан кеседі. Сыртта не болып жатқанынан бейхабар болады. Өзімен-өзі қалады. Тек тамақ береді, әжетханаға шығарады. Бұл оңай емес. Өзің бір күн үйде отырсаң, жынданып кете жаздайсың ғой.

Ал Жанахмет Агыбаев бастаған ұжым 4 жігітті 10 күнге қамап тастаған. Солардың біреуі ғана шыдапты. Қалғаны ұтысқа тіккен 1 млн. теңгелерің өздеріңе деп, төзімі таусылып, ертерек шығып кеткен екен,-деп жазады автор.

Бір миллион теңге үшін он күнге «қамалуға» қалай қарайсыз?

Фото ашық дереккөзден алынды.