«Жеті атаңмен мақтанба, періштеге оның керегі жоқ» дейді имам
Әлеуметтік желіде тараған келесі бір діндардың видеосы жұрттың ашуын тудырды деп жазады Democrat.kz.
Мұратбек Жахатов атымен тіркелген парақшада тараған бұл видеода келесі бір діндар:
«Жеті атаңды жатта да, жеті атаңмен мақтанба
Періште мұны сұрамас, көріңе барып жатқанда» дейді. Жеті ата тек қыз алысу, танысу үшін ғана керек», — деген діндардың не айтпақ болғанын анық аңғарған көрермен ашуға мінді.
«Мұның айта алмай отырғаны, Құранында бар жазулы. Кімде кім ұлтымен, ата-бабасымен мақтанса, әкесінің әпшуін тістеп тұрсын депті Алла», «арабтың сахабасымен сен де мақтанба», «шынымен қазақты жою екен ғой бұлардың мақсаты! Жеті атасын білмеген жетесіз дейді. Қазақтың тіліне, салт-дәстүріне тимеңдерші айналайындар!» «шежіре қазақтың бірінші коды, дүмше елді адастырма!» деген сыңайда пікірлер жазылуда.
Дайындаған — Хақназар САДЫРХАН.
Фото видеодан скрин.
@mzhakhatov
