Журналист жалған ақпарат таратқаны үшін ұсталды

Елордалық полиция департаменті журналист Данияр Әділбековтің ұсталғанын растады. Бұл туралы Stan.kz ақпарат агенттігі хабарлайды. 

Ведомстводан хабарланғандай, оның үстінен қылмыстық іс қозғалды.

«Қылмыс жасағаны туралы көрінеу жалған ақпарат таратқаны үшін азамат «Ә»-ға қатысты қылмыстық іс қозғалды», – деп түсіндірді елордалық полиция департаментінен.

Ұсынылған ақпаратқа сәйкес, сот журналистке қатысты қамауға алу түріндегі бұлтартпау шарасын таңдады.

Өзге мәлімет тергеу мүддесі үшін жарияланбайды.

Еске салсақ Шымкентте патрульдік полиция командирі тұрғындарды бопсалағаны үшін ұсталған болатын.

Фото ашық дереккөзден алынды.