Қуат Хамитов қоғамды Нұрлан Сабыровтың ісіне байланысты «адамгершілікке келуге» шақырып, оны жақтап видео жариялады деп жазады Democrat.kz.
Ол әлеуметтік желідегі жазбасында комиктің таңдауына назар аударып: «Табысы жеткілікті адам шетелде жайлы өмір сүре алар еді. Алайда ол Қазақстанды таңдады.
Ендеше, неге ұсақ-түйекке тексеріс жүргізіп, адамгершіліктен аттап көшеміз?» -деді.
Файтер қазақстандықтарды бірлікке үндеп: «Біз бір-бірімізге жау емеспіз. Әйтпесе сырттан жау іздемей-ақ, өзіміз өзімізге қарсы шығып барамыз. Қайда бара жатқанымызды ойланатын уақыт келді»,-деп мәлімдеді.
