Елімізде стоматологтардың табысы бес жылдық рекордты жаңартты
Қазақстанда стоматологтардың табысы бес жылдық рекордты жаңартты, 2024 жылы олардың қызметіне 209,9 миллиард теңге жұмсалған.
Бұл көрсеткіш былтырмен салыстырғанда 1,5 есеге өсіп, кейінгі бес жылдағы ең жоғары көрсеткіш болып отыр.
«Мұның бір себебі — зейнетақы жинағын мерзімінен бұрын алуға рұқсат беру, ал екіншісі — жеткіліктілік шекті көтеру», — деп жазылған ақпаратта.
Оған қоса стоматологиялық қызметтер көлемі өсуіне қымбатшылық әсер еткен. 2021 жылдан 2024 жылға дейін олардың құны жылына орта есеппен 11,5 пайызға өсті, ең жоғары көрсеткіш 2022 жылы тіркелді, бұл жылы 18,3 пайызға өсті.
