«Өрлеуге» қатысты мұғалім министрге сауал жолдады

Facebook әлеуметтік желісінде белсенді ұстаз Гүлнар Хасан Оқу ағарту министрі Ғани Бейсембаевқа ресми сауал жолдады деп жазады Democrat.kz.

«Құрметті Ғани Бейсембаев !

Сіздің қарамағыңыздағы ұйым басшыларының қоғамның сұрақтарына жауап бермеу әдеті бар, сондықтан тура Сізге жүгінуге мәжбүрмін.

Айдана Шилибекова өз парақшасында жазба қалдырғанымен, қойылған сұрақтарға жауап бермеді (мүмкін, «Өрлеу» жүйесінде баспасөз хатшысы жоқ шығар?).

Сол себепті, Сізден сұраймын:

1. «Өрлеу» Өрлеу Рипксо жүйесінде қанша жаттықтырушы жұмыс істейді? Олардың ішінде қаншасы қосымша шақырылған мамандар?
2. Аймақтар бойынша жаттықтырушылардың сапалық құрамы қандай?
3. Бұл сапалық құрам өңірлердегі мұғалімдердің сапалық құрамымен қаншалықты сәйкес келеді?
4. Бұл сапалық құрам оқушылардың білімін бағалайтын сыртқы өлшемдермен қалай байланысады?
5. Мұғалімдердің біліктілігін арттыру ұйымының басшысы 10 күндік курс елдегі білім сапасына әсер етпейді деп мәлімдейді. Олай болса, бұл курстардың қажеті қанша?
6. «Өрлеуді» қаржыландыруға қанша теңге жұмсалады? #Айдана_Шілібекова шетелдік кураторларды тартқанын мақтан тұтады, бірақ бұл қанша қаражатқа түседі? Қазақстанда өз мамандарымыз жеткілікті, неге солар шақырылмады? Олардың біліктілігі төмен деп есептелді ме, әлде шетелдік есімдер есептерде әдемірек көріне ме?
7. «Өрлеу» «Асыл Мирас» дефектологтарымен серіктес екенін мәлімдеді. Бұл ұйым жайлы неге нақты ақпарат берілмеді? Неліктен дәл осы ұйым таңдалды? Конкурс өтті ме, әлде басқа себептері бар ма?
8. Шындыққа сәйкес келе ме: ақылы онлайн курстар алдында мұғалімдер курс сапасына шағымданбайтыны жөнінде құжатқа қол қояды деген ақпарат тарады.
9. Шындыққа сәйкес келе ме: жаттықтырушылар тестілеу алдында мұғалімдерге жауаптарды алдын ала жібереді?
10. «Өрлеу» – ғасырлық тарихы бар монополист ұйым, халықаралық аккредитациядан өтуі қалыпты жағдай болуы тиіс. Бірақ ұйым бұны қандай да бір ерекше жетістік ретінде көрсетеді. Бұған көзқарасыңыз қандай?
11. Педагогтердің аттестациясы толықтай формалдылыққа айналып, «Өрлеу» бақылауында хаосқа ұшырады. Мұны мойындайсыз ба?
12. Әріптесіңізге жеткізіңіз, ешкім оның терминдерді білу қабілетіне күмән келтірмейді. Бірақ барлығын қызықтыратыны – біздің балаларымыздың білім сапасы. Ол осы жауапкершіліктен қашып отыр, бірақ сонымен бірге мемлекеттен миллиардтаған қаржы алатын ұйымның нарықта өз бетінше өмір сүруінен қорқатынын қалыпты жағдай деп санайды.

Сондай-ақ:

Әлеуметтік желілерде вице-министр Наталья Жұмаділдаева мұғалімдердің біліктілігін арттыру курстарының сапасы туралы мәселені талқылау үшін Парламентке шақырылғанын елемегені жазылды. Сіз бұл жағдайға қалай қарайсыз, Ғани Бектайұлы?

Балалардың құқықтарын қорғау комитетінің әрекетсіздігі мен толықтай немқұрайлылығына қалай қарайсыз?

Қазақстандағы балаларға қатысты болып жатқан жағдайларға қалай жауап бересіз? Себебі сырт көзге бәрі Сізді қанағаттандырып тұрғандай көрінеді» деп жазды Гүлнар Хасан.