Жас мамандар НЗМ барып, тәжірибе алмасты
![](https://democrat.kz/wp-content/uploads/2023/11/F8CBFD40-8496-4EB7-B72A-3B8DF7A21580-905x613.jpeg)
Жүз жас маман “Жас басқарушылар” мектебі аясында өңірдегі Назарбаев зияткерлік мектебінің жұмысымен танысып, тәжірибе алмасты.
Мұғалімдерге алдымен мектеп ішін аралатты. Мұнда оқушылардың білімі мен өмірлік дағдысын қалыптастыру үшін барлық жағдай жасалған. Мектептегі экскурсияны педагог-кураторы Майра Қуанышқызы мен 12-сынып оқушысы жүргізді.
Мұғалімдер тек мектеппен танысқан жоқ. Олар мүмкіндікті пайдаланып, мұғалімдермен пікір алмасып, ата-ана және оқушы арасындағы байланыс, жұмысқа орналасу сынды маңызды сұрақтарын қойды.
Айта кетейік, аталған жоба Маңғыстау облыстық білім басқармасының қолдауымен “Азаматтық бастамаларды қолдау” орталығымен бірлесе ұйымдастырылды. Оқытуға әр аудан, қаладан келген 100 жас маман қатысқан болатын.