«5 жасымда мені зорлады» деген атыраулық Бауыржан өміріндегі сұмдық шындықты бүкпесіз айтып берді

Журналист Гүлмира Әбіқайдың YouTube арнасына арнайы сұхбатқа келген атыраулық Бауыржан Көбеев өзінің басынан өткен сорақы сұмдыққа толы өмірі туралы баяндап берді деп жазады Democrat.kz.

Бауыржан студияға келгенінде басқалар сияқты бетін бүркемейтінін, барлығын ашық, бүкпесіз айтып беретінін мәлімдеген.

«Шамамен 5 жасымда болуы керек, мені ауладағы 4 жігіт зорлады. Өте көп уақыт өткен оқиға болса да, күні бүгінге дейін жаныма жара салған, әр күн сыздап, жаныма бататын жара бұл.

Мені зорлаған 3 жігіттің  есімдері — Аслан, Бауыржан, Расул. Төртіншісінің атын атай алмаймын. Ол кезде олардың жасы 15-16 жаста еді.

Жылу құбырының қасында кішкентай ғимаратқа мені алдап шақырып, ойларына келгенін істеді. Бұл әрекеттерін олар шамамен бір жыл бойы жасады. Әке-шешеме айтуға қорықтым… » деген Бауыржанның дауысы бұзылып, ішкі жарасын әрең жеткізді.

«Кейін мектепке бардым, 2-3 сыныпта маған әлгі жігіттердің жасап жүргені дұрыс емесін түсіне бастадым. Арада бірнеше жыл өткенде Рақым деген бір жігіт менің басымнан өткен нәрсені білетінін астарлап айтып, ақша талап етуді бастады. Міне, осылай өмірімдегі сорлы күндер басталды. Мен оған сұраған ақшасын әкеп бергенімде, мүшесін шығарып, «енді ақша бермей-ақ қой, оның орнына мынаны сор» деп талап етті. Ақшаны лақтырып жіберіп, одан қашып кеттім. Бұдан кейін Рақым ақша сұрауын үдетті»,- деген Бауыржан одан кейінгі сұмдықтарды айтты.

Бауыржанның сөзіне қарағанда, оны 13 жасынан бастап, әлі күнге дейін түрлі жігіттер «позорыңды шығарамыз» деп қорқытып, ақша бопсалап келеді екен.

Фото видеодан скринделіп алынды.