Блогер тойбастар таратуға қатысты үндеу жасады

Блогер Мөлдір Анарбаева қазақтың тойларында таратылатын «тойбастарға» қатысты пікірін айтып, көпшілікке үндеу жасады деп жазады Democrat.kz.

«Босқа шығындалғанды қоя салайық. Өзіңізге де алған бізге де дүниенің обал болмасыншы, өтініш!

Астарында қазақтың емес қытайдың кәсібін дөңгелетіп отырмыз.
Босқа шашылмайық, бермеген адамды сөз қылмайық. 200 адамға 2 000 мыңның тойбастарын алса 400 мың босқа далаға шашып жібереді. Бұл бер жағы.

Адам таға алмайтын ақ орамалдарға тегі обал!
Тойда жерде жатады, сандықтың іші толды. Не бере алмайсың, не таға алмайсың.

Осыны доғарайық та қатындар ау. Оданда тегі сыйлық жасағың келіп бара жатса суретке түскен елдің суретін тегін қыл. Есесіне фотограф үйіне ақша апарады сен үйіңе сурет апарып естелікке тығып қоясың.

Тойды ешкім бастамаса, жаппай таратып шығынданбашы жаным» деді блогер өзінің Instagram парақшасында.

Фото интернеттен.